Алматы облысында жолда қалғандар құтқарылды

Алматы облысының құтқарушылары өткен түнде жолда қалған жеті азаматты құтқарды. Бірнеше күн қозғалысы шектелген Үшарал-Достық трассасында екі жол талғамайтын және бір жүк көлігі қар құрсауынан шығарылды. Әр автокөлікте екі азаматтан отырған. Сондай-ақ төтенше жағдайлар қызметкерлері Алматы-Өскемен-Қапал-Арасан шипажайы тас жолының 35-ші шақырымында боранда қалған жеңіл көлікті қауіпсіз жерге шығарған. Көліктің жанармайы таусылғандықтан құтқарушылар оны Талдықорған қаласына дейін сүйреп келген.  

  Қуаныш Қанатұлы