Елордалық оқушылар аязға байланысты қашықтан оқиды

04.12.2020

Нұр-Сұлтанда ауа райының қолайсыздығына байланысты 1-5 сынып оқушылары қашықтықтан оқуға ауыстырылды. Қазгидрометтің хабарлауынша, елордада күндіз -16, түнде, -24 градус шамасында аяз болады деп күтілуде. 

Сондай-ақ, Шығыс Қазақстанның Бородулиха ауданында сынап бағанасы -28 градусқа төмендеді. Сол себептен, алты ауылда бірінші ауысымдағы бастауыш сыныптарға сабақ болған жоқ. Шемонайха ауданында 4-сыныпқа дейін оқушылар мектепке бармады. Өйткені, 23 градус аяз болып, желдің жылдамдығы секундына 2 метрге жеткен.

Хабарламаларға жазылу