Бір тәулікте 813 адам коронавирус жұқтырды

Өткен тәулікте елімізде 813 адамнан коронавирус анықталды, індеттен 5 адам көз жұмды. 563 адам жазылып шықты. 

Аймақтар бойынша Шығыс Қазақстан облысында вирус жұқтырған 170 жағдай тіркелді. Солтүстік Қазақстан облысында - 117 және Павлодар облысында 107 адамнан COVID-19 табылды.

Жалпы, ел бойынша коронавирус жұқтырғандар саны 129213-ке жеттi. Жазылып шыққандар саны - 115384. Қайтыс болғандар - 2013.

Соңғы бір тәулікте 161 адам коронавирустық инфекция белгілері бар пневмонияға шалдыққан. 5 өлім жағдайы тіркелді. 73 адам емделіп шықты. 1 тамыздан бері Қазақстанда 41756 адам пневмониямен ауырды. 30362 адам індеттен жазылып шықты. Қайтыс болғандар саны - 439.