Алматы облысында туған нәрестесін тастап кеткен ана ұсталды

Алматы облысы, Іле ауданының, Ақши елді мекенінде әжетханаға жаңа туған нәрестесін тастап кеткен ана ұсталды. Бейкүнә перзентін дәретханада дүниеге әкеліп, 4 метр тереңдікке тастап кеткен жат бауыр келіншек 1992 жылғы Қарасай ауданының тұрғыны екен.

Қазір оның қылмысына қатысты тергеу амалдары жүргізіліп жатыр. Ал, ауылдағы жеке жер үйдің әжетханасынан 4 шілде күні табылған сәбидің салмағы - 3,3 келі. Осы уақытта оның денсаулығы дәрігерлердің назарында.

Амангелді СЕЙІТХАН