Нұрсұлтан Назарбаев Түркия халқына Қазақстан атынан көңіл айтты

Мемлекет басшысы бүгін Түркияда болған қайғылы оқиғаға орай, ел Президенті Режеп Тайип Ердоғанға көңіл айту жеделхатын жолдады.

Онда жазықсыз адамдардың қаза болып, зардап шеккені туралы хабар қабырғасын қайыстырғаны жазылған.

Сондай-ақ, «Қазақстан әлемдік қауіпсіздікке қатер төндіретін халықаралық экстремизм мен терроризм әрекеттерін қатаң айыптайды. Стамбулдағы теракт өркениетті қоғамда радикалды топтарға орын жоқ екенін тағы растады»,  делінген жеделхатта.