«Киров» су қоймасынан Жамбыл облысына келер қауіп жоқ

Толассыз жауған жаңбырдан  Жамбыл облысына жақын маңдағы «Киров»  су қоймасына 548 миллион текше метр су жиналды. Бұл былтырғы жылмен салыстырғанда екі есеге артық. Сол себепті су секундына 200 текше метрге дейін Талас өзеніне ағызылды. «Арынды су арнасынан аса ма деп» қауіптенген көрші қырғыз елі суды осылай  көп мөлшерде жіберуге мәжбүр болған. Бұл туралы Қырғыз Республикасы Талас облысының губернаторымен кездескен Жамбыл облысының әкімі Кәрім Көкірекбаев мәлімдеді.  Биылғы су көлемі жылдағыдан екі есе артық болғанымен, одан келер қауіп жоқ. Қос облыстың басшылары жағдайдың бақылауда  әрі тұрақты екенін мәлімдеді.

Сәбит ӘЛДЕБАЙ