Жаңалықтарды Telegram арнамыздан оқыңыз!Шығыс Қазақстан облысы аумағына 1 қарашадан бастап блок-бекеттер қайта қойылады. Өйткені соңғы бір тәулікте өңірде 139 адам індетке шалдыққан. Жалпы, жыл басынан бері аймақта қатерлі инфекция жұқтырғандар саны 9 мыңнан асқан.
Қазір облыста 100 мың тұрғынға шаққанда ауру жұқтыру көрсеткіші республикалық деңгейден де асып, 683,6 құрап отыр. Сондықтан індеттің алдын алып, одан ары таралуына жол бермеу үшін өңірде сақтық шаралары күшейтіліп жатыр.
Талғат Тұңғышбаев, Облыстық тауарлар мен қызметтердің сапасын бақылау департаменті басшысының міндетін атқарушы:Қазақстан Республикасының Үкіметінің келісімі бойынша 2020 жылғы 1 қарашадан ШҚО аумағында облыстың сыртқы шекараларында блок-бекеттер орнатылады.
Берік Көшербай
