Қырғыз-тәжік шекарасында тағы да атыс болды - «Qazaqstan» Ұлттық телеарнасы

Қырғыз-тәжік шекарасында тағы да атыс болды

26.10.2020

Қырғызстан мен Тәжікстан шекарасында қақтығыс болды. Ресми мәліметтерге қарағанда, Тәжікстанның Ходжаи Аъло өлкесінің тұрғындары ескі су құбырларын алмастырып жатқан. Сол аралықта елді мекенге қару ұстанған 30 шақты қырғыз шекарашылары кіріп келіп, жергілікті тұрғындарға «жұмысты тоқтат» деп бұйырған. Артынша оқ жаудырған. Тұрғындар атыстан зардап шеккен жоқ. Ал көрші елдің таратқан мәліметіне сай, оқиға орнына келген қырғыз шекарашылары мемлекеттік шекараға жатпайтын учаскедегі құрылыс жұмысын тоқтатуды талап еткен. Алайда Тәжікстан азаматтары қарсылық білдіріп, дау шығарған. Жанжалдың ушығуына жол бермеу үшін Қырғызстан шекарашылары әуеге оқ атуға мәжбүр болған. Қазірекі елдің ресми өкілдері өзара келіссөз жүргізіп жатыр.

Фариза Мұсақызы

Қырғызстан Тәжікстан шекара атыс

Хабарламаларға жазылу