Жаңалықтарды Telegram арнамыздан оқыңыз!Атырауда соңғы тоғыз күнде шет елден ұшып келген 523 адамның 64-і ПТР тесті болмағандықтан, карантиндік стационарларға жатқызылды. Олардан тиісті сынама алынып, қауіпті инфекция анықталмаған азаматтар үйіне жіберіліп жатыр. Бірақ әуежайдағы бақылау шаралары күшейтілген. Себебі елдегі эпидаухал толық тұрақталған жоқ.
Өткен тәулікте елімізде 115 адам коронавирус індетінен емделіп шықты. Бірақ тағы 115 адамның вирус жұқтырғаны анықталды. Осылайша коронавируспен ауырғандар саны 109 623 болды.
Ал COVID-19 белгісі бар пневмониямен 15 адам ауырып, 5 науқас қайтыс болды. 1 тамыздан бастап пневмония жұқтырған науқастардың жалпы саны 35 980-ге жетті.
Амангелді Сейітхан
