Жаңалықтарды Telegram арнамыздан оқыңыз!Жұмыспен қамту агенттіктері арқылы қызметке орналасқан азаматтардың құқығы заңмен қорғалады. Бүгін Мәжіліс қарыз еңбекті реттеу туралы заң жобасын бірінші оқылымда мақұлдады. Енді келісім шарт бойынша жұмыс істейтіндердің мүдделері, жалақысы, қауіпсіздігі заң бойынша қадағаланады.
Оңғар Алпысбайұлы, тілші:Мәселен, белгілі бір компания өзіне қызметкер іздейді. Жұмыспен қамту агенттігі немесе компания оларға жұмысшы ұсынады. Яғни, қарапайым қызметкер компаниямен тікелей емес ортадағы делдал арқылы келісімге отырады. Осы қарыз еңбегі деп аталады. Бұған дейін жұмысшылардың міндеттері мен мүмкіндіктері әлгі екеуара келісім арқылы ғана бекітілетін. Енді жаңа заң бойынша барлығы Конституцияда бекітіліп қояды. Келісім бойынша жұмыс істейтіндердің жалақысы компанияның штатындағы қызметі бірдей маманнан кем болмауы тиіс. Заң жобасында олардың еңбек қауіпсіздігі, жұмыс уақытындағы оқыс оқиғадан қаза болса немесе еңбекке жарамсыз болып қалса, сақтандырылуы да қарастырылған. Депутаттардың бастамасымен жасалған құжат бүгін Мәжілісітің бірінші оқылымында мақұлданды.
