Өткен тәулікте 143 адам коронавирустан жазылып шықты

Бүгінде коронавирустық инфекциядан 2862 адам ем қабылдап жатыр. Оның 88-і бала. Стационарларда 2 мыңнан аса науқас жатса, 800-дейі амбулаторлық ем алуда. 79 адамның жағдайы ауыр, 12 науқас хал үстінде, тағы 12 адам өкпені жасанды желдету аппаратына қосылған. 

Жалпы өткен тәулікте 83 адам коронавирус жұқтырып, науқастар саны 108 984-ке жетті. 143 адам дертінен жазылып шықса, өкінішке қарай, 5 адам қайтыс болды. Ал COVID-19 белгілері бар пневмонияны жұқтыру жағдайлары өткен тәулікпен салыстырғанда күрт артып отыр. Дертті бір тәулік бұрын 4 адам жұқтырса, кеше 321 адам сырқаттанып, жалпы ауырғандар саны 35 234-ке жетті. Дерттен айыққандардың жалпы саны 28 мыңға жақындады. Вирусты пневмониядан көз жұмғандар саны - 373. 

Ләйлә Дулатқызы