Жаңалықтарды Telegram арнамыздан оқыңыз!Президент Қасым-Жомарт Тоқаев Қорғаныс министрі Нұрлан Ермекбаевты қабылдады. Қарулы күштердің әскери және шұғыл әрекеттерге дайындығы жөнінде есебін тыңдады. Мемлекет басшысы әскери-көлік авиациясы мен инженерлік әскерді күшейту, инфрақұрылымды дамыту бойынша бірқатар тапсырма берді. Кездесуде халықаралық әскери ынтымақтастықты дамыту, кадр саясаты мен әскердің қысқы маусымға дайындығы жайлы да сөз болды.
Сондай-ақ, Президент Ұлттық қоғамдық сенім кеңесінің мүшесі Рауан Кенжеханұлын қабылдады. Ол Абайдың 175 жылдығына арналған іс-шаралар аясында берілген тапсырмалар бойынша есеп берді. Білім берудің онлайн-платформасы мен аударма және терминология салаларын дамытуға қатысты мәселелер жайлы айтты.
Дарын Сағитов
