Екібастұзда «Қазпошта» бөлімшесінің басшысы 9,4 млн теңге бюджет қаражатын иемденген

Павлодар облысының Сыбайлас жемқорлыққа қарсы қызметі Екібастұздағы «Қазпошта» АҚ пошта байланысы бөлімшесінің басшысына қатысты сотқа дейінгі тергеуді бастады.

«Ол 9,4 миллион теңге көлеміндегі бюджет қаражатын жеке тұлғалардың карточкалық шоттарына аудару арқылы жымқырды деген күдікке ілінді», -  дейді Сыбайлас жемқорлыққа қарсы іс-қимыл агенттігінің 1-ші департаментінің аса маңызды істер жөніндегі тергеушісі Данияр Бекайдаров.

Қазіргі таңда тергеу жұмыстары жалғасуда.