Әлемде коронавирустан қайтыс болғандар саны 1 млн-ға жауықтады

Әлемде коронавирустан қайтыс болғандар 1 миллионға таяу. Ал оны жұқтырғандар 33 миллионға жуықтаса, АҚШ-та 7 миллионнан асып кетті. Мұндай мәліметті Джонс Хопкинс университеті таратып отыр. 

Америкада індетке шалдыққандар Флоридада, Калифорнияда, Техаста 700 мыңнан асты. Сонымен қатар осындай науқастар Нью-Йорк пен Нью-Джерсиде де көбейіп келеді.

«Рейтер» агенттігінің хабарлауынша, Үндістанда да эпидахуал жақсармай тұр. Мұнда коронавирус жұқтырғандар 6 миллионнан асып, тәулігіне олардың саны шамамен 80 мыңға артып отыр. Ал дүниежүзі бойынша Үндістан коронавирусқа шалдыққандар саны бойынша АҚШ-тан кейінгі екінші орында.

Арыстан Рысбек