Басты Жаңалықтар Алматыда өрт салдарынан 2 адам қайтыс болды

Алматыда өрт салдарынан 2 адам қайтыс болды

16.06.2014 12:30

Алматыда өрт кесірінен бес адамды күйік шалып, екі адам ауруханада қайтыс болды. Күйік шалғандар қатарында 7 жастағы бала да болған.

Өткен сенбіде күннің күрт ысуынан Алматыда екі нысаннан өрт шыққанын хабарлағанбыз. Ең үлкен өрт - наубайхана мен тігін цехы орналасқан «Алматы логистик орталығы» ЖШС-де болды.

Алматы қалалық Төтенше жағдайлар департаментінің хабарлауынша, сағат түскі 12:00 шамасында басталған тілсіз жаудан ғимараттың 750 шаршы метр аумағы жанып кеткен.

30 адам сыртқа шығарылған. Өртті ауыздықтауға 14 негізгі, 2 арнайы техника, жеке құрамның 60 маманы ат салысқан. Өрттің шығу себебі анықталуда.

Дәурен ДАРИЯБЕК

Бөлісу