Коронавирусқа қарсы отандық вакцинаны қыркүйекте сыналмақ

19.06.2020

Коронавирусқа қарсы отандық вакцинаны қыркүйек айында адамдарға сынап көру жоспарланып отыр. Бұл туралы бүгін Үкімет отырысында Білім және ғылым министрі Асхат Аймағамбетов мәлімдеді.

Оның сөзінше ғалымдар қазір вирусқа қарсы 5 түрлі вакцина әзірлеп жатыр. Екпелерге осыған дейін жасалған сынақтар да әзірге сәтті өтіп келеді. Мәселен, 15 мамырда кандидаттық вакцина тышқандарға егіліп, оның қауіпсіздігі мен иммуногендігі тексерілген.

Сондай-ақ Асхат Аймағамбетов біздің ғалымдар коронавирусты анықтайтын ПТР-тестті де небәрі 6 күнде дайындап шыққанын айтты. Пандемияның басында әлемдік тест елімізге әлі келмей тұрғанда өзіміздің ғалымдар SARS-CoV 2-нің тірі штамынсыз, жасанды синтез арқылы жаңа вирустың бар-жоғын анықтайтын тест жасаған. Соның арқасында, індет тарай бастаған алғашқы күндері жалпы диагностика іске асырылған.

Амангелді СЕЙІТХАН


Хабарламаларға жазылу