Жаңалықтарды Telegram арнамыздан оқыңыз!Виртуалды шындық өмірдің барлық салаларына еніп жатыр. Дәстүрлі «Музей түні» акциясы биыл тұңғыш онлайн режимінде өтті. Экскурсиялар, шеберлік сыныптары, әдеби оқуларды көрермен онлайн режим арқылы тамашалады.
Диванда отырып-ақ, музейге саяхат жасауға болады. Бұл шындық. Музейдің ішін аралап, экспонаттарды қолмен ұстап көрмедім демесеңіз, бәрі көз алдыңызда.
Мәдени демалысты ұнататын көрермен компьютер мен смартфонға үңілді. Онлайн экскурсия барлық залдарды тамашалауға мүмкіндік берді. Талғамы биік көрермен құнды жәдігерлерге өз бағасын беріп жатты.
Акцияны әлеуметтік желідегі музейдің парақшасы арқылы мыңдаған адам тамашалады. Айта кетейік, былтыр «Музей түніне» 32 мың көрермен келген.
Ғабит БӨКЕНБАЙ
