Bek Air компаниясы қызметкерлерінен жұмыстан кетуді талап етуде

«Өз еркіңмен жұмыстан кет». Былтыр желтоқсанда апатқа ұшыраған Bek Air енді қызметкерлерінен жұмыстан кетуді талап етіп отыр. Біздің редакцияға хабарласқан бортсерік Мұрат Саховтың әйелі Шахноз осылай деп арызданды. 4 айдан бері жұмысы тоқталғалы, жолдасы жалақысыз қалды. Ал басқа жұмысқа орналасу үшін қолында құжаттары жоқ. Айтуынша, «Бек Эйр» компаниясы «тергеу жүріп жатыр» деп еңбек құжаттарын қайтармай отыр. Карантин кезінде Мұраттың әйелі де табыссыз қалған.