Экологиялық кодекс төңірегінде тартыс тиылмай тұр

Заң жобасын талқылауға қатысқан кәсіпкерлер ауаны ластаушыларға салынатын айыппұлдың көлемімен келіспейді. Қоршаған ортаны қорғауға арналған заң жобасы бүгін Мәжіліс депутаттарының көшпелі отырысында талқыланды. Маңызды құжатта экологиялық ахуалды жақсарту үшін ауаны ластайтын кәсіпорындарға айыппұлды 3 есе арттыру көзделген. Әрі жылу электр стансаларынан бастап ірі зауыттар заманауи қондырғыларды пайдалануға міндеттелмек. Ал мұржаларына сүзгі қоймағандар үшін эмиссия мөлшерін алдымен 2 есе, егер тәртіпке бағынбаса, 4 және 8 есеге дейін арттыру қарастырылған. Кәсіпкерлер «бұл – бизнесті қанау» деп отыр. 

Досжан МАРАТҰЛЫ