Стамбұлда ұшақ дұрыс қонбай, 3 адам қаза тапты

Стамбұлдың Сабиха Гёкчен әуежайында Pegasus Airlines әуе компаниясының жолаушылар ұшағы қонар кезде ұшып-қону жолағынан шығып кетіп, бірнеше бөлікке бөлініп, өртенді. Оқиғадан 179 адам зардап шегіп, үш адам көз жұмды.

Boeing 737-800 NG лайнері Измир-Стамбұл бағытында ұшқан. Бортында 177 жолаушы және 6 экипаж мүшесі болған. Ұшақтың дұрыс қона алмауына қолайсыз ауа райы себеп болған (қатты жел соғып, жаңбыр жауып тұрған).

Оқиғадан кейін әуежай жабылып, рейстер басқа әуежайларға ауыстырылды. Зардап шеккендерге медициналық көмек көрсетілді. 

Қазір ұшақ апатын тергеу басталды.

bbc.com Фото: REUTERS