Иран қолбасшысы қателікпен құлатылған Boeing ұшағы үшін кешірім сұрады

Иранның Ислам революциясы сақшылары корпусының қолбасшысы Хосейн Салами зымыранмен атып түсірілген Boeing ұшағы үшін кешірім сұрады.

«Өмірімде бұлай қатты ұялған емеспін. Бәлкім біз қателік жіберген шығармыз, соның салдарынан көптеген отандасымыз қаза тапты. Алайда біз әдейі істеген жоқпыз, сол үшін де кешірім сұраймыз», - деді ол.

Еске сала кетейік, 8 қаңтарда Тегеран маңында украиналық лайнер апатқа ұшырады. Бортындағы 176 адам түгел қаза тапты. 11 қаңтарда Иран Қарулы күштерінің Бас штабы ұшақты абайсызда зымыранмен атып түсіргенін мойындады. Иран президенті Хасан Роухани мерт болғандардың жақындарынан кешірім сұрап, көңіл айтты.

ria.ru Фото:Fan.az