Елбасы Бас прокурор мен Ішкі істер министрін қабылдады

25.12.2019

Елбасы Нұрсұлтан Назарбаев Бас прокурор Ғизат Нұрдәулетовті қабылдады. Бас прокурор 2019 жылғы жұмыстың негізгі қорытындылары мен жоспарланған басты мақсаттар туралы мәлімет берді. Сонымен бірге, Елбасына азаматтардың әлеуметтік-экономикалық саладағы құқықтарын қорғау жөнінде ақпарат ұсынылды.

Сондай-ақ Елбасы Ішкі істер министрі Ерлан Тұрғымбаевты қабылдады. Кездесу барысында елдегі қылмыстық ахуал туралы баяндалды. Ішкі істер министрінің мәліметі бойынша, Қазақстанда қылмыс саны 16%-ға азайған. Сонымен қатар, Нұрсұлтан Назарбаевқа тұрмыстық зорлық-зомбылықтың алдын алу бойынша қабылданған шаралар және ішкі істер органдарын реформалау жөніндегі жол картасын жүзеге асыру туралы ақпарат берілді.

Хабарламаларға жазылу