Мемлекет басшысы Қасым-Жомарт Тоқаев бүгін шетелдік дипломатиялық корпус өкілдерімен кездесті

Ақордада өткен маңызды басқосуға 70 елдің елшісі мен 30 халықаралық ұйымның өкілі қатысты. Жиын барысында Президент 2019 жыл еліміз үшін саяси тұрғыда өте маңызды болғанын атап өтті. Оның айтуынша, сайлау өтіп, биліктің бейбіт жолмен берілуі, саяси жүйеміздің тұрақтылығы мен демократиялық даму жолымыздың мызғымастығын бүкіл әлемге танытқан. Осы орайда Қасым-Жомарт Тоқаев Нұрсұлтан Назарбаев негізін қалаған дамудың жаңа стратегиялық бағытынан айнымай, сабақтастық, әділеттілік, өрлеу құндылықтарына берік болудың маңыздылығын айтты. 

Досжан МАРАТҰЛЫ