Допингпен ұсталған спортшылар сыйақыдан айырылады

Қазақстанда допинг тексерулері қатаң жүргізілетін болды. Үлкен жарыстарға қатысатын спортшылардың сараптамалары енді 10 жыл бойы сақталады. Бүгін Сенаттың жалпы отырысында дене шынықтыру және спорт мәселелері бойынша заңға ұсынылған өзгерістер мен толықтырулар екінші оқылымда қабылданды. 

Енді жарыстан жүлделі оралған жерлесіміз 10 жыл бақылауда болады. Додаға допинг қабылдап қатысқаны анықталса, мемлекет тарапынан берілген барлық сыйақы қайтарылады. Спортшымен қатар жаттықтырушысы, денсаулығын қадағалаған дәрігерлер де заң алдында жауап беретін болады.

Оңғар Алпысбайұлы