Австралияда 1 млн гектар алқап жанып кетті

Австралияның Жаңа Оңтүстік Уэльс штатындағы орман өртінің түтіні Сиднейге дейін жетті. Қала тұрғындары ащы түтіннен тұншығып отырғандарын айтып, шағымдануда. Мамандардың айтуынша, қазір ауа сапасы денсаулыққа 10 есе қауіпті болып тұр. Сондықтан жергілікті билік адамдарға үйде қалуды ескертті.

Айта кетсек, Австралияда алапат орман өрті екінші аптаға жалғасты. Күшті жел оның жылдам таралуына ықпал етіп, 100-ге тарта жалын ошағы тіркелген. Бұған дейін апаттан 4 адамның қаза тапқаны белгілі болды. Сонымен қатар 300-ден астам тұрғын үй мен 1 миллион гектардан астам алқап жанып кетті.

Жансая Қапасқызы