БҚО-да қойма өртеніп, 45 тонна бидай жанып кетті

Оқиға кеше Бәйтерек ауданының Переметный ауылында болды. БҚО ТЖД баспасөз қызметінің хабарлауынша, «Калининское» ЖШС аумағындағы қойма өртеніп, салдарынан шамамен 45 тонна жаздық бидай, 15 тонна тары, 16 тонна арпа жанып кеткен.

Аумағы 600 шаршы метрді қамтыған өрт 22:29-да оқшауланып, 00:01-де ауыздықталды. 

Өртті сөндіруге өрт сөндіру бөлімінен 7 қызметкер, 2 техника, ерікті өрт сөндіру құрылымдарынан 15 қызметкер, 2 техника жұмылдырылды.