«Әулиелер ордасы» атты кітап жарық көрді

«Рухани жаңғыру» бағдарламасы аясында «Әулиелер ордасы» атты ғылыми-танымдық кітап жарық көрді. Бұл еңбекте қазақ жерінен шыққан дін ғұламаларының мұралары жинақталған.

Ғалымдардың айтуынша, ұлттық дәстүр мен дін құндылықтарын терең білген тұлғалардың көп жазбалары қуғын-сүргін жылдарында тәркілеуге ұшыраған. Ел ішінде тек бір бөлігінің ғана қолжазба нұсқалары сақталған. Ағартушылық бағыттағы өте сирек кездесетін сол дастандар мен жырлар оқырманға тұңғыш рет ұсынылып отыр. Жинақты құрастырушылар кітапты ғылыми айналымға енгізу мақсатында әр шығарманы алғашқы нұсқасының суреттерімен бірге салған.

Аманкелді Сейітхан