Қарағандыдағы батут оқиғасына қатысты сот басталды

Қарағандыда батуттың аударылып кетуі себеп болған бала өліміне байланысты сот ісі басталды. Қазір ерлі-зайыпты батут қожайындары сот алдында жауап беруде. Оларға адам өліміне алып келген қауіпсіздік талаптарына жауап бермейтін қызмет көрсету бойынша айып тағылып отыр.  

Айта кету керек, айыпталушы тараптағы ер азамат бұрын Абай қаласы өрт сөндіру бөлімінің басшысы қызметін атқарған. Ол оқиғадан бес күн бұрын өз еркімен қызметінен кеткен. Батут қожайындарының өкілдері ретінде 4 қорғаушы қатысуда. Олар сот ісіне толық тергеу амалдарының енгізілмегенін алға тартып, қосымша тергеуді талап етті. Дегенмен бұл өтініштері қанағаттандырылмады. Сондықтан оқиғаның барысы толық сотта қаралатын болады.