Елордаға газ келісімен, жылу қымбаттайды

05.11.2019
Елордаға газ келісімен, жылу қымбаттайды

Газ тартылғаннан кейін елордада жылу қымбаттайды. Бұл туралы қала әкімінің орынбасары Ермек Қизатов мәлімдеді.

«Жылу тарифі айтарлықтай шарықтап кетпейді. Шаршы метріне алғанда аз ғана қымбаттайды», - деді ол. 

Ермек Қизатовтың айтуынша, газбен қамту жобасын іске қосу кезең-кезеңімен іске асады. 

«Біз көмірден бірден бас тартпаймыз. Мұның бәрі шамамен бес жыл ішінде жүзеге асады. Сол себепті жылу бағасы бірден қымбаттап кетпейді. Әкімдіктің мақсаты - газ қолдану үшін барлық жағдайды жасау. Елордада газдың бағасы көмірден арзан болмайды. Оған екі себеп бар, оның бірі - жол шығыны. Көмір Павлодар, Қарағанды сияқты көрші облыстардан алынса, газ кемінде мың шақырымдық жерден тартылады. Газ тасымалдау - айтарлықтай шығыны мол жұмыс. Екінші себеп - қазып алатын көмір мен құбыр арқылы келетін газдың айтарлықтай айырмашылығы бар, сол себепті газ бірнеше есе қымбат болады. Дегенмен, газ тартудың артықшылығы көп», - деді қала әкімінің орынбасары.

inform.kz

Хабарламаларға жазылу