Жаңалықтарды Telegram арнамыздан оқыңыз!Енді өз жерімізге оралайық. Жер болғанда, биылғы егінге, ораққа. Астықты өңір Қостанайдың диқандары үшін жыл ауыр болып тұр. Аптап ыстықтың кесірінен егін өте аз шықты. Салыстыру үшін айтсақ – жылда бұл аймақта 5 миллион тоннадан кем өнім жиналмайтын. Ал биыл соның жартысына да жете алмай отыр. Оған қоса Үкімет топырақты химиялық өңдеуден өткізгені үшін берілетін субсидия бойынша қостанайлық диқандарға 2 миллиард 600 миллион теңге қарыз.
Егін егетін Ерлан келер жылы мал да сатып алып, кәсібінің аясын кеңейтуді көздеген. Бірақ ойынан айнып қалды. Қып-қызыл шығынға батқан жігіттің шаруаны әрі қарай дамытуға қаржысы да, қызығушылығы да жоқ…
