«Nıet» бағдарламасында екі бірдей баспанаға ие болған көпбалалы ана «Таңшолпанда» қонақта

«NIET» бағдарламасында екі бірдей баспанаға ие болған көпбалалы ана «Таңшолпанда» қонақта болды. Қуаныштан көз жасына ерік берген ана келесі аптада жаңа пәтерге көшіп баратынын айтты.

Айта кетейік, арнамызға көмек сұрап келген Зүлфия Жұмабаеваға Қоянды ауылының тұрғыны мен «Қарекет» қайырымдылық қорының өкілдері көмек қолын созып, екі және үш бөлмелі пәтер сыйлады. Сондай-ақ, бағдарламаға қоңырау шалған 80-ге жуық көрерменіміз бұл отбасыны қаржылай демеп отыруға уәде етті. Көпбалалы ананың денсаулығы да назардан тыс қалмады. Медициналық ұйымдарда тексерістен өтіп, емделетін болды.