Жаңалықтарды Telegram арнамыздан оқыңыз!Қазақстандықтар тыныштық үшін дауыс берді. Халық елдегі саяси үдерістерге атүсті қарамайтындарын көрсетті. Сайлау науқанына шетелдік сарапшылар осындай баға беріп отыр. Тұрғындардың 77 пайызы сайлауға қатысып, таңдау жасауы - жақсы көрсеткіш.
Жалпы, Қазақстандағы өзгерістерге төртүл дүние көз тігіп отыр. Бұл елдің жаһандық аренадағы беделін көрсетеді. «Тіпті науқанды өткізу форматынан үйренетін тетіктеріміз де көп», - деп отыр сарапшылар.
Фархад Мамедов, саясаткер (Әзірбайжан):
- Қазақстан - өңірге ықпалы бар, маңызды мемлекет. Мұндағы саяси үдерістер көршілеріне, әсіресе Орталық Азияға ерекше әсер етеді. Сондықтан біз үгіт-насихат кезеңін де, сайлауды да жіті бақылауда ұстадық. Барлығы ойдағыдай өтті.
Арсений Сивиский, саясаткер (Беларусь):
- Қазақстан билігі барынша ашық болды сайлау кезінде. Үміткерлер түрлі саланың өкілдері болды. Тіпті оппозиция тарапы да өз кандидатурасын ұсынуға мүмкіндік алды. Мен және сырттан келген өзге саясаткерлер науқанға өте жақсы деген баға беріп отырмыз.
Оңғар АЛПЫСБАЙҰЛЫ
