Жаңалықтарды Telegram арнамыздан оқыңыз!9-13 қараша күндері Ақтөбеде дзюдодан Қазақстан чемпионаты мен Кубогы өтті. «Жекпе-жек» спорт кешенінде өткен ел біріншілігіне еліміздің 14 облысы және Астана мен Алматы қалаларынан дзюдошылар қатысты. Сол жекпе-жекте 73 келі салмақта Азамат Мұқанов бірінші орынға ие болды.
«12 жасымнан бастап самбомен айналыстым. Әлем чемпионатының 16 медалін еншіледім. Одан кейін дзюдоға ауыстым. Енді жаңа белестерге жеткім келеді. Олимпиадаға қатысып, чемпион болғым келеді. Дзюдоға қызығатын жандар көп. Ол - әлем бойынша футболдан кейін екінші орында тұрған спорт түрі.
Жас балаларды дзюдоға беру керек деп ойлаймын. Өйткені дзюдо – философия. Біздің елде бұл спорттың түрі жақсы дамып келе жатыр. Жеңіске жатіп жатқан қазақ балалары көп», - дейді спортшы.
