«Тазалық сақшылары» «Көк жөтел» әнін заманауи стильде орындады (ВИДЕО)

Бүгін «Ән салады мамандар»  жобасының - бірінші жартылай финалы. Жобада екінші болып өнер көрсеткен «Тазалық сақшылары» тобы.

«Тазалық сақшылары» тобы бүгінгі жобада «Көк жөтел» әнін заманауи стильде орындап шықты. Топ мүшелері алғашқы кезеңнен өткеннен кейін көшеде жұрттың танып, бірге суретке түсуге рұқсат сұрағанын айтады.

«Қазақстан» Ұлттық арнасына осындай жобада бағымызды сынауға мүмкіндік бергені үшін алғысымыз шексіз»,-дейді олар.

Ал, топтың қойылымына риза болған Жанар Айжанова: «Бұл әннің мынадай стильде айтылуын мүлдем күтпедім. Жай ғана, қазақы болмыспен еш өзгертпестен әдемі орындау болды. Ешкім дауысым шықпай ақалды деп қиналмады, бастысы сахнада еркін болды»,-деді.