Бүгін актер, ұлттық кәсіби театр өнерінің негізін салушылардың бірі - Серәлі Қожамқұловтың туған күні

Қазақ кинематографиясының дамуына сүбелі үлес қосқан, Қазақстанның Халық әртісінің 120 жылдығын былтыр еліміз өте жоғары деңгейде атап өткен еді.

Қожамқұлов әр бір рөлдің болмыс бітіміне сай өзіндік мінезімен дауыс ырғағын, сахналық қимыл әрекетімен сөз мәнерін дәл тауып, құлпырта ойнататын дара дарын иесі. Әсіресе, оның актерлік шеберлігі  комедиялық рөлдерде айқын көрінді.  Ол 20-дан астам көркем фильмге түскен. Олардың барлығы асқан шеберлікпен жасалған қайталанбас кесек образдар болатын.