Алматыда Гүлназым Өмірзаққызының «Ерке наз» атты жеке көрмесі ашылды

7 сәуірде Алматыда Т.Жүргенов  атындағы   Қазақ Ұлттық өнер академиясының оқытушысы, өнер магистрі, ҚР Суретшілер одағының мүшесі, «Дарын» Мемлекеттік жастар сыйлығының лауреаты Гүлназым Өмірзаққызының «Ерке наз» атты жеке көрмесінің ашылу салтанаты өтті.

Ол жастар арасындағы халықаралық, республикалық көрмелер мен байқаулардың белсенді  қатысушысы, «Биші» атты көркем туындысымен  V Халықаралық «Шабыт» шығармашыл жастар өнер фестивалінің лауреаты атанды.

Кесте өнерінде өзіндік қолтаңбасы бар Гүлназым Өмірзаққызы шығармашылық іздену барысында техникалық әдіс-тәсілді жан-жақты қолданады.

Гүлназым  Өмірзаққызының жеке көрмелері елімізде ғана емес, сондай-ақ, шет елдерде  де өткен.

Айта кету керек, көрме  2016 жылдың 7-12 сәуір аралығында өтеді.