Пол Маккартни «Кариб теңізінің қарақшылары 5» фильмінде ойнайды

Британдық музыкант, әйгілі «The Beatles» тобының негізін қалаушылардың бірі Пол Маккартни «Кариб теңізінің қарақшылары 5: Өліктер ертегі айтпайды» (Pirates of the Caribbean: Dead Men Tell No Tales) фильмінің актерлік құрамына қосылды. Әзірге оның қай рөлді сомдайтыны белгісіз. Бұл туралы Deadline басылымы хабарлайды.

Картина 2017 жылы экранға шығады. Фэнтези жанрында түсірілетін фильмнің режиссерлері - Хоаким Роннинг пен Эспен Сандберг. Сценарий авторлары - Стюарт Битти, Тед Эллиотт, Джефф Натансон, Терри Россио, Джей Уолперт.

Туындыда, сондай-ақ, Джонни Депп, Кая Скоделарио, Хавьер Бардем, Орландо Блум, Брентон Туэйтес және т.б актерлер ойнайды.