Жаңалықтарды Telegram арнамыздан оқыңыз!Әнші, актер, композитор, Қазақстанның Еңбек сіңірген мәдениет қызметкері Тұрсынғазы Рахимов 65 жасқа қараған шағында дүние салды.
Ол 1951 жылы 15 қазанда Аягөз ауданының Малтыкөл ауылында дүниеге келген. Алматыдағы эстрадалық-цирк колледжін бітірген. 1994 жылы «Сәби болғым келеді» деген атпен әндер жинағы шықты.
«Дариға, домбырамды берші маған», «Отыздан асып барамын», «Мен сені сағынғанда», «Санаулы күн, санаулы ай, санаулы жыл», «Сәби болғым келеді» секілді әндерді жазған композитордың барлығы жүзге тарта әні бар.
Сазгердің басты ерекшелігі, Мұқағали Мақатаевтың өлеңдеріне ән жазуында.
М.Мақатаев атындағы сыйлықтың иегері. Республикалық деңгейдегі бірталай өнер байқауларының лауреаты.
