Еліміздің басым бөлігінде қар жауып, бұрқасын болады

Қазақстанның басым аумағында атмосфералық ағындардың өтуіне байланысты тұрақсыз ауа райы сақталады, кей жерлерде қар, бұрқасын, тұман, көктайғақ және жел күшейеді.

Қазгидрометтің хабарлауынша, Шығыс Қазақстан, Атырау облыстарында тұман күтіледі, бұрқасын, жел 15-20 м/с.

Маңғыстау облысының кей жерлерінде тұман түсуі ықтимал, көктайғақ, жел 15-20 м/с күшейеді.

Қарағанды облысында тұман, бұрқасын күтіледі.

Ақмола, Солтүстік Қазақстан облыстарының кей жерлерінде сырма жүреді.

Алматы, Жамбыл, Оңтүстік Қазақстан, Батыс Қазақстан, Қостанай облыстарының кей жерлерінде тұман түседі.

Қызылорда облысының кей жерлерінде күндіз жел 15-20 м/с күшейеді.