Мемлекет басшысы мұнай және газ саласын дамыту мәселелері жөнінде кеңес өткізді

Кездесу барысында көмірсутек шикізатының әлемдік бағасының тұрақсыздығы жағдайындағы мемлекеттің энергетика саясатының аспектілері қаралды, деп хабарлайды Ақорданың баспасөз қызметі.

Сонымен қатар, Қазақстанның оңтүстік өңірлерін қысқы маусымда газбен қамтамасыз ету, энергия көздерін тасымалдау саласындағы қызметті оңтайландыру және инфрақұрылымын дамыту мәселелері талқыланды.

Мемлекет басшысы кездесу қорытындысы бойынша бірқатар нақты тапсырма берді.