Қазгидромет: Қазақстанда күн жылынып келеді

Тропосферадағы ауа массаларының батыстан шығысқа бет алуы Қазақстаның солтүстігінде ауа температурасының айтарлықтай жылынуына ықпал етіп отыр.

Өткен аптада ауа температурасы нормадан 8-13 градусқа төмен болып, түнгі температура 30 градус аязға дейін барса, аладағы  3  күнде Атлантикадан келген жылы ауаның әсерінен республиканың барлық аймағындағы ауа температурасы климаттық нормадан 3-10 градусқа жылы болады.

Бұл ретте еліміздің көптеген облыстарында ауа райы бұлыңғыр болып, кей жерлерде жауын жауып, қар түсуі де мүмкін. Тұман түсіп, көктайғақ болады. Тек оңтүстік пен оңтүстік-шығыста ғана Сібір антициклонының ықпалымен күн ашық, жауын-шашынсыз болады. Түнгі және таңғы уақыттар тұман түседі.