«Қайрат» футбол командасы 2015 жылғы ҚР Кубогының иегері атанды (ВИДЕО)

Елордалық «Астана-Арена» стадионында футболдан ҚР Кубогының финалы аяқталды. Маусымның соңғы матчында жергілікті «Астана» мен алматылық «Қайрат» кездесті.

Тартысты өткен ойында «Қайрат» 1:2 есебімен жеңіске жетіп, 2015 жылғы ҚР Кубогын иеленді.  

Матчта алғашқы голды «Астана» шабуылшысы Патрик Твумаси (28-ші минут) соғып, алаң иелерін алға шығарған еді. Алайда, 2-ші таймнан кейін Джордже Деспотович дубль жасап, командасына жеңіс әкелді.