Астанада Сейілда Байшақовтың 65 жылдық мерейтойына арналған матч өтеді

КСРО спорт шебері, Қазақстанның Еңбек сіңірген жаттықтырушысы, алматылық «Қайраттың» ардагері Сейілда Икрамұлы Байшақовтың 65 жылдық мерейтойына арналған матч ұйымдастырылмақ.

Бұл күні жасыл алаңда Қазақстан футбол федерациясы мен Лига кеңесінің командасы доп тебеді. Федерация командасында жетекшілер мен қызметкерлер ойнаса, Лига кеңесінің командасында Премьер-лига мен Бірінші лига клубтарының жетекшілері алаңға шығады.

Қазақстан футбол федерациясы командасының сапында мерейтойы иесімен қатар, Азамат Айтқожин, Қанат Мұсатаев, Александр Мазманьян, Бағлан Ергешев, Асқар Әбілдаев, Нүркен Мазбаев, Павел Демян, Карлес Марторелл және т.б ардагерлер алаңға шығады.

Матчты тамашалау барлық жанкүйерлер үшін тегін.