«Айгөлек» байқауына жаңа ережелер енгізілді

«Балапан» телеарнасы «Айгөлек» республикалық балалар байқауының жаңа маусымын ұсынады.

Биылғы маусым жылдағыдан ерекше. Бұл жолы балалар сайысқа түспейді. Тек үлкен сахнада ән айтып, өнерлерін ортаға салады.

Қазіргі уақытта еліміздің түкпір-түкпірінен келген балғындармен түсірілім жұмыстары жүргізілуде. Концертке жобаның әр жылдардағы жеңімпаздары мен еліміздегі және түрлі халықаралық байқаулардан үздік шыққандар қатысады.

Жаңа маусым эфирге қыркүйек айынан бастап шығады.