Елбасы: Дағдарысқа әсер ететін ең ықпалды мүмкіндік - бәсекеге қабілеттілік

«Еуразиялық экономикалық одақ бойынша серіктестеріміздің валютасы құнсыздануда. Ресей рублі - екі есеге, Беларусь валютасы - 56 пайызға, Армения драмы - 17 пайызға төмендеді.

Сондай-ақ, Еуродақ құрамындағы елдердің көпшілігі, шикізат тасымалдаушы елдер, сондай-ақ, Қазақстанның сауда серіктестері валюталарын құнсыздандырды.

Қазақстанның экспорт көлемі бірінші жартыжылдықта 73 пайызға кеміген. Қазірдің өзінде кәсіпорындардың бәсекеге қабілеттілігі және олардың табыстары азаюда.  

Дағдарысқа әсер ететін ең ықпалды мүмкіндік - бәсекеге қабілеттілік. Біз 2016 жылдың 1 қаңтарынан бастап Дүниежүзілік сауда ұйымына мүшеміз. Сондықтан, бәсекелестікті арттыру қажет», - деді Елбасы.