Ақтөбе облысының әкімі Димаш Құдайбергенге Алғыс хат табыстады

Ақтөбе облысының әкімі Архимед Мұхамбетов Беларусь елінің Витебск қаласында өткен «Славян базары-2015» XXIV халықаралық ән байқауының Гран-при жүлдегері Димаш Құдайбергенге Алғыс хат пен 5 миллион теңгенің сертификатын табыс етті.

Аймақ басшысымен кездесуге Димаштың ата-әжесі, ата-анасы Қанат пен Светлана Айтпаевтар және әншінің әндерін өңдеген Бахытбек Зейнелов келді.

Еске сала кетейік, Димаш Құдайберген «Славян базары-2015» халықаралық ән байқауының бас жүлдесін және арнайы «Лира» сыйлығына ие болды. Ол екі күннің қорытындысы бойынша қарсыластарынан басым түсіп, 175 балл жинады.

Фото: Е.Кенжалиев