Жаңалықтарды Telegram арнамыздан оқыңыз!Бүгін Астанадағы «Астана Опера» театрының үлкен залында ІІ театр маусымының жабылуына орай гала-концерт өтеді, деп хабарлайды astanaopera.kz.
Кеште опера солистері, балет жұлдыздары, хор, аспапшылар мен театрдың симфониялық оркестрі өнер көрсетеді. Концерт дирижері – ҚР Еңбек сіңірген қайраткері Абзал Мұхитдинов.
Шара бағдарламасында үздік әрі театрдың әлемдік турнесі кезінде шетелдік көрермендердің ықыласына бөленген шығармалар қамтылған. Сондай-ақ, қазақ, орыс және батысеуропалық композиторлардың операларынан көріністер мен ариялар шырқалады.
