Астана мен Қызылорда қалалары арасында жаңа жүрдек пойыз қатынайды

«Жолаушылар тасымалы» АҚ Жаңа жылдық мерекелер қарсаңында жолаушылардың сұраныстарын қанағаттандыру мақсатында 2014 жылдың 29 желтоқсанынан бастап «Тұлпар-Тальго» вагондарынан жасақталған «Астана-Қызылорда» бағытындағы №89/90 жолаушылар пойызын жіберетіні жайлы хабарлады. Құрам 4 күнде бір рет қатынайды.

Пойыз 23 вагоннан тұрады, оның ішінде 2 - «Бизнес», 2 - «Гранд», 14 - «Турист», 2 вагон ресторан және 3 техникалық вагон бар.

Құрам Қарағанды, Сарышаған, Шу, Жамбыл, Шымкент, Арыс-2, Түркістан станцияларына аялдайды. Қызылордаға дейінгі жол 22 сағат 25 минутты, қайтар жол 23 сағат 22 минутты құрайды.