Жаңалықтарды Telegram арнамыздан оқыңыз!Шара барысында Мемлекет басшысы университет базасында жүзеге асырылып жатқан ғылыми жобалардың көрмесін тамашалап, әр жобаға қатысты сұрақтар қойды.
Университет ректоры академик Ғалымқайыр Мұтанов Мемлекет басшысын оқу орнының жетістіктері мен университет қабырғасында жүзеге асырылып келе жатқан медициналық-биологиялық инновациялық кластердің жұмысымен таныстырды.
Айта кету керек, аталған кластер бойынша мемлекеттік-жеке әріптестік қағида негізінде жобаларды жүзеге асыруға 500 миллион АҚШ доллары шамасында қаржы тартылуда.
Мемлекет басшысы «Қазақстан-2050» Стратегиясында білімге негізделген экономикаға баса назар аударған. Бұл жерде шешуші рөлді университеттер ойнауы керек. Осы бағытта қазір әл-Фараби атындағы ҚазҰУ жемісті жұмыс жасап келеді.
Оқу орнында инновациялық бағыттағы алғашқы қадам ретінде Оңтүстік Кореялық әріптестермен бірге медициналық диагностикалық орталықтың ашылуын айтуға болады. Жобаға 1,2 миллиард теңге инвестиция салынды.
Университет базасында және бір жоба «Инжиниринг пен ғылыми қамтымды технологиялар» инновациялық кластерін құру «Алатау» арнайы экономикалық аймағымен бірге жүзеге асырылмақ.
Технопарк пен бизнес-инкубатор, ҒЗИ зертханалық корпустарының, студенттер жатақханасының құрылысына 9,5 миллиард теңге көлемінде инвестиция салу жоспарлануда.
