Жаңалықтарды Telegram арнамыздан оқыңыз!Астананың студенттік жатақханаларында рейдтік іс-шаралар басталды. Бұл туралы Жастар саясаты мәселелері басқармасы хабарлады.
Комиссия мекеме қызметкерлерінен, ЖОО өкілдерінен, студенттік жасақтың белсенділерінен құрылған.
Олар жатақханаларды аралап, студенттердің әлеуметтік-тұрмыстық жағдайын тексеруде. Комиссия мүшелерінің айтуынша, тексеріс кезінде жатақханалардың басым бөлігі таза. Ешқандай бұзушылықтар тіркелген жоқ.
Бүгінде Астанада жоғары оқу орындарының студенттеріне арналған 25 жатақхана мен 14 колледж жатақханасы бар.
